Kan moin la lir kozman-la, moin la dmann an moin mèm si sa lé vré pou vréman. Pars dir sak ou la fé séin légzèrsis sinp sof si sak ou la fé lé pa a dir. Dir sak ou i fé, i doi pa z’ète tro difisil sof si i vo myé ou di pa. Mé dir sak ou i sava fé ? Mi domann amoin pou kosa sé in n’afèr bann z’inbésil é zot tousèl i pé fé sa. I voudré dir : « Méfyé aou sak ou i sava dir ! Pars ou lé riskab ramas l’annuiman ! ». Final de kont, mi pans lo troi lé délika. Dann lo troi ou i pé ramas z’annui. Donk i vo myé ou i triy dann out tète avann kozé. Kréol i di galman : fourn sète foi out lang dann out boush avann kozé. Mé si ni kalkl bien : si ou i pé pa dir sak ou la fé, sak ou i fé é sak ou i sava fé out vi lé riskab ète in gran silans. Alé ! Mi kite azot rofléshi la dsi é ni artrouv pli d’van. Sipétadyé !