Mi pans sa in provèrb éspagnol é moin la lir sa kék par. Astèr kosa li vé dir pou vréman ? Mi pans l’afèr lé sinp. Sa i vé dir sinploman kan ou i viéyi, ou i pèrd la fors. Sak l’avé la krintiv de ou la pi pèr ditou. Solman kan ou lé vyé, ou nana l’éspèryans é dann out mémoir in kantité sityasion k’i sèrv l’égzanp pou ou konm pou sak i domann aou konsèy. Donk i fo pa prann in vyèy pèrsone a la lézèr pars dann son tète nana pliské demoun i kroi… Mi parl pa éspésyalman pou La Rényon, mé moin la vi in paké dokimantèr filmé dann bann péi déor é mi pé dir azot lo vyé-sof si la maladi la fine afayi son moral !- sé in pilyé pou son kominoté. Dizon li sé lo mémoir pou son kominoté é sa sé in n’afèr k’i kont. Alé ! Ni artouv pli d’van !