Mézami kozman-la, mi rapèl mwin téi antann sa kan mwin lété pti, kaziman marmaye shak foi mwin la antann sa, mwin la pran sa pou in foutan arivé. Kékshoz inn grann pèrssone i di in marmaye pou kass ali in pé lé kui.

Lé vré ké bann grann pèrsone i yèm bien gaskone bann marmaye, poitan d’apré mon souvnir kozman-la, sirtou akonpagné an riyan par bann gran moune, sa sé kékshoz i fé mal. Antouléka téi fé mal amwin ka mwin lété marmaye.

A minss ké wi pran foutan pou konpliman mé kan ou lé pti wi gingn bien fé la diféranss rante inn é l’ote é sa lété vr pou mwin konm pou bonpé pti marmaye koméla... Alor sak lé gran moune lé pa zist kass lé kui bann pti é sé la dsi mi invite azot rofléshi.

Alé ! Mi kite azot pou zordi é ni rotrouv pli d’van, sipétadyé.

Justin