Mézami, mi panss zot i koné kozman-la. Sa i vé dir si wi sède in pé ou lé riskab sède toute. Mi rapèl mèm in n’ote kozman i di si wi done in plass pou rakokiyé lé riskab karte la zanm.

Sa sé la vérité mèm pars si wi konssan done in pyé manioc par égzanpe, oute karo lé riskab passé. La vèrsion dir d’in konportman sossyal k’i indike aou i fo pa wi sède pars ou lé riskab pèrde toute sansa pa gingn arien. Travayèr i koné bien sa kan zot i négossyé pou zot salèr.

Alé ! Mi kite azot rofléshir la dsi é ni rotrouv pli dvan, sipétadyé.

Justin