Mézami kozman mi mark zordi mwin lé sir zot i koné sa pars konm i di sa lé vyé kom Hérode é si mi tronpe pa néna lontan ni koz konmsa é ni kontinyé, é la pa fini. Lo tan va passé é nou va kontinyé anparl konmsa. Romark i di ossi « i done in plass pou rakokiyé, épi i i alonz ».

Pou kossa ?

Pars néna touzour demoune dsi la tèr zot i domande aou inn épi zot i pran dë, zot i domande aou in pyé épi zot i pran lo karo, kissoi pars zot i panss ou néna lo moiyin plisskinanfo, sansa zot i panss oute bien lé myé dann zot posh… A ! Mwin noré d’zistoir pou rakonte la dsi mé mwin na poin la plass.

I fé arien é zot an atandan rofléshi bien dsi sète afèr-la, é ni rotrouv pli d’van. Sipétadyé.

Justin