Médam zé méssyé, la sossyté koz èk mwin sé koz èk in kouyon, mé sé o pyé d’lo mir k’i oi lo masson.

Mézami, dan la vi, néna dé shoz konpliké, mé néna galman dé shoz sinp é si i pé pardone aou pa konète bande shoz konpliké, i pé pa pardone aou pa konète lé shoz sinp. Kossa lé pli sinp ké konète tomate, mi oi pa. Toulmoune i koné tomate é si wi koné pas é ké ou sé in zéro la gosh in shif.

Mé koman konète épi konprande lé shoz ?I fo wi sava dopi lo pli sinp ziska lo pli konpliké é sé konmsa ké firamézir wi goumante oute konéssans. Alé dann l’ote sanss la pa bon pars ou lé riskab éshoué dann oute marsh pou konporande lé shoz.

Alé ! Mi kité azot rofléshi la dsu é ni artrouv pli d’van.

Sipétadyé.