Mézami, sépa si zot la romarké, mé souvan dé foi i pass lo tan avan alé oir in moune wi koné bien, mèm i fé plézir oir ali, mé lé konmsa. Défoi ou lé dann mèm kartyé ké li é lé konm si l’avé inn lyé pou sorte shé ou pou ariv shé li. Alor kan i trouv, par azar, wi di m’a pas soute kaz é sé l’èr li réponde aou kozman mwin la mark an-o la. Osinonsa li di aou : « Na pwin lion dovan la porte. »

Sansa dé foi pou kass ti-boi, li di aou : « Mon kaz lé fassil pou trouvé. Dovan la porte néna dë bèl shien ! »

Alor mézami mi invite azot rofléshi la dsi : I fo pa atande in zami mor pou alé rande ali vizite… Ni artrouv pli d’van. Sipétadyé.

Justin