Mézami, zot i koné néna demoune i égzazère, kan i done azot in plass pou rakokiyé, zot i alonze épi zot i kapare la plass. Néna in pé kan i pran azot an pityé, zot i oi lokazyon pou tiré é si tèlman zot i mète aou an difikilté.

Alor kossa wi fé ? Soi wi sède é momandoné wi panss l’apré ésploite aou pou d’bon é ou lé pa klère avèk ou mèm. Soi wi mète lo ola é dann in ka konmsa demoune lé pa kontan avèk ou, mé rozman wi tir oute kolé dan la korde. Lo myé sé d’konprande kan lé ankor tan ké l’moune l’apré rode in métode pou déplime aou, é dann in ka komsa a tan wi réazi.

Sé pou sa mi invite azot bien rofléshi dann in sityassion konmsa pars mème si lé tar, lé pa tro tar é konmsa mèm lé bon. Alé ! Mi kite azot rofléshi é ni artrouv pli d’van. Sipétadyé.

Justin