Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, zot i koné issi La Rényon demoune lé kiryé. Zot i yèm okupé. Mé an finn konte si i fé pa konmsa aprésa koman i fé ladilafé ? Pars i fo kant mèm in pti boute la vérité pou rakonte zistoir mantèr..

Pou ma par mi koné in kozman é li bote amwin bien-sé pou sa mi ansèrv ali toultan !-li di konmsa « mète pa out kiyèr sal dann marmite i kui pa pou ou »-in bonkonsèye mé lé pa touzour bien réspékté..Sa sé in kozman la pa bézoin zésplikassion sa.Sé in n’afèr lé pa dir pou konprande.

Mi kite azot kant mèm rofléshi la dsi, é ni artrouv pli d’van sipétadyé.