Oté

« Yèr té doss, zordi la pa sa, domin mi profèr pa pansé »

In kozman pou la rout

Justin / 18 séptanm 2020

JPEG - 43.6 ko

Mésyé zé Médam, la sosyété, koz èk moin sé koz èk in kouyon mé sé o pyé d’lo mir k’i oi lo mason. Mézami, zot i koné demoun lé konmsa : souvan dé foi zot i pène an roz zot pasé, épi an noir zot zordi, é pou lo fitir zot i oz pa fé l’ plan dsi la komète. Mé konm moin la fine dir inndé foi : la pa sak i ariv aou k’i kont vréman, sé la fason ou i pran sak i ariv. Mi rapèl mon gran-mèr, in bon vyé madam, téi amenn la vi dir, mé toultan avèk lo mèm sourir é èl l’avé in kozman téi rovien souvan kan èl téi dové z’ète an traka, èl téi di : « éspèr solèye domin va lévé. ». Moin osi mi suiv son shomin épi mi di toultan lé shoz v’aranjé é si in moun i di amoin koman va fé, mi réponn mi koné pa mé moin lé sir d’sa. Alor, rofléshi la dsi é ni artrouv pli d’van. Sipétadyé.