Zot i koné néna bonpé kozman i di a popré lo mèm z’afèr. I di konmsa shakinn I doi okip son n’afèr é pa sète lé z’ot. Mi souvien in zour dann in rényon mwin la di in madam-pars èl la kass amwin dann milyé mon lintervanssion – mi koze ni pou èl, ni avèk èl é in kamarad té pa loin la di in proverb rényoné mi yèm bien pars li di konmsa :

”Kan I koze avèk boukané sossis I rèss pandiyé”.

Sa I bote amwin bien ! Pou kossa ? Pars kan wI koze avèk in moune son lantouraz I vé assiz dsi ou. Partou néna bann fayo konm téi di dann l’armé, alors lo fayo li sava défann son mète alé oir la pa dmande ali arien.

Dann in ka konmsa I fo di lantouraze : ”Travèrs aou !” é lo myé z’a fère sé par in kozman konm nou la vii inn-dé an-o la.

Mi kite azot rofléshi la dsi é ni artrouv pli d’van. Sipétadyé !

Justin