Rienk an regardan léspèktak lamantab la rout litoral, ni konpran la nésésité in déba piblik si le bann zékipman sansé striktir nout péi. Tro lontan la ignior ou, sinonsa, mépriz sat le Rénioné i pans’ pouk, anfin, ni di sak nou na pou di !

Koman é kisa, alépok, la pran la rèsponsabilité détrui le pti trin, é lo sriktir té sava avèk, pou mèt a la plas’ in boubou konm le soidizan rout an kornish ? In boubou la fini par gangrène toute laménazman nout péi !!

Karantan apré, Rénioné i siporte ankor le bann konsékans’ é na inpé, ladan, i gingne pi rovni d’si. Le déba piblik sora zistoman lokazion pou nou di : zamé pi zafèr konmsa. Alon kozé, rantrenou, toute karte si la tab !!!

Justin