Zot i koné lo nomb zanfan i rotrouv a zot dan la gèr mèm si zot i vé pa ? 250.000 ! Sé pa moin ki di, mé sé l’ONU dan in dokiman 2010. Marmaye lé kombatan, mésajé, èspyon, kuisinyé, prostituyé, promyé d’van dan térin miné, kamikaz dan’d zatanta-suisid...

Dot chiffre i konsèrn zanfan : 2.500.000 lé solda (pli di tiyèr an Afrique), 8 a 10.000 tou lé zan lé viktim min anti-pèrsonèl, 23 milyon lé réfujyé ou lé déplasé, 2 milyon lé tué, 6 milyon lé gravman blésé ou mitilé pou tout zot vi, 12 milyon na pi la kaz, plis 1 milyon lé orfélin ou séparé zot famiy, 10 milyon lé tromatizé psikolojikman.

Na’d péï lé pa la èk zanfan : Afghanistan, Burundi, Colombie, Côte d’Ivoire, République centrafricaine, République démocratique du Congo, Géorgie, Haïti, Iraq, Liban, Myanmar, Népal, Ouganda, Philippines, Somalie, Soudan, Sri Lanka, Tchad, Thaïlande é dan téritoir palestinien Israël i okip.

La vi marmaye lé brizé, méprizé, vioylé, volé. Érézman na in bon pé péï i respèkt lo droi é i protèj zanfan. Zot i mèt lédukasyon an avan. Sé sak i fo fèr.

 Justin