Mézami mi pans zot i koné kozman mwin la mark an-o-la, mé mèm si zot i koné pa li, lé bien sir ké zot lé dakor avèk lo sanss nout kozman. Kissa k’i diré lo kontrèr, kissa k’i diré i fo siprime ali plito ké grandi ali ? Sa sé in n’afèr mèm si wi pans i vo myé pa di.

Antouléka sa sé in provèrb é li lé pa valab solman dann lo ka nou la fine oir pars sa lé vré pou toute lantropriz ni fé dan la vi. Dann toute domenn i fé l’antropriz é la plipar d’tan wi vé alé o boute sak ou l’apré fé, pars wi oi aou in pé konm lo kréatèr ou la ! Lé pa bon ké lé shoz i fini an katédral kassé... Sof pétète pou la route litoral, mé mi di pa pliss pars demoune va kriye apré mwin.

Alé ! Mi kite azot rofléshi la dsu é ni artrouv pli d’van. Sipétadyé.

Justin