Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« Zanfan gaté, papaye pouri »

In kozman pou la rout

lindi 21 désanm 2020, sanm Justin

Méssyé, médam, La sosyété koz èk mwin sé koz èk in kouyon mé sé o pyé d’lo mir k’i oi lo masson. Mézami, kozman-la mi pé dir azot mi aprésy ali, pa tèlman pou sak li di mé plito pou sak li di pa. Konm mi lir kozman-la mi diré sa sé in l’ankourajman pou in l’édikasyon diréktiv, kaziman sévèr é sé lo kalité d’édikasyon mi yèm pa. Pou kossa mi yèm pa sa ? Dabor sanm pou mwin li marsh pa myé k’in n’ot kalité d’édikasyon. Dézyèmman la plipar d’tan lédikasyon i pass par l’édikatèr pou in pti poursantaz é par la vi pou lo pli gro poursantaz- pou grandi in zanfan i fo in vila antyé.. Néna galman l’égzanplarité é bann zédikatèr lé pa pli égzanplèr malgré lo tit i donn azot. Sak i vé anploye la manyèr forte, la plipar di tan zot famiy lété zantiy avèk zot é zot la koni la plipar d’tan la manyèr douss. Mi arète tèr-la mé zot i pé rofléshi si zot i vé si zot néna in pti pé d’tan pou gaté. Alé ! ni artrouv pli d’van. Sipétadyé.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus