In pé i pans ké l’édikasyon i fé avèk lo kou, mé moin non. Moin na souvnans an avoir gingn lo kou mé mi souvien pa pou kosa égzaktoman é sirtou mi rapèl pi si sa la fé pous amoin pli droite sansa pli tort. Moin osi l’ariv amoin tap marmaye, mé mi gard in gou amèr pars sak moin la fé té initil épi sanm pou moin, moin lété bien lash kan moin la fé sa. Gingn lo kou, ou done lo kou marmaye, pou koué. Pars ou lé énèrvé ? Bin i vo myé kalm aou. Gingn lo kou étan marmay ou sansa done lo kou pars marmaye la fé in fote ? Zot i pans pa in bon diskisyon sré méyèr ? Mi arète la pars sa i rapèl amoin mové souvnir étan marmaye, konm étan gran. Kozman zordi, mi èm pa ou ditou !