Ala in kozman, moin pèsonèl, mi èm pa. Pou kosa ? Pars, konm zot i konpran, d’apré sak in bonpé d’moun i pans i fo souplégné pou gingn in n’afèr é si i kroi azot sak i souplègn pa i gingn pa arien. Bin son di alor ? I fo plégné pou gingn son di ? Mèm si sé son di ? Si zanfan i plèr pa, i pé di, in promyé z’afèr sé ké li lé malad. Si li tèt epa galman, li lé malad. Zot i koné bien promyé kriyé nou la fé an nésan sé pou déploiye nout poumon pou nou réspiré. Aprésa kan nou la kriyé souvan dé foi sé pou défann anou kont in danzé. Alor, siouplé, arète ansèrv kozman-la, a tor é an travèr é prézant sa konm in idéal dan la vi. Pars sé sa mèm k’i fé k’i rokoné pa nout droi pou vréman é i pans l’apré fé anou in sharité. Myé vo la zistis ké la sharité. Kosa zot i anpans ? Alé ! Ni artrouv pli d’van sipétadyé !