Oté

« Zanfan i plèr pa, i gingn pa tété ! »

In kozman pou la rout

Justin / 28 octob 2017

JPEG - 43.6 ko

Mi pans pa promyèr foi zot i antann kozman-la. Mi mazine mèm zot la fine antann sa in bonpé foi dopi zot la trapz’ot konèsans. Sans prop, la pa difisil pou konprann, mèm la pa bézoin sort politéknik pou konprann ali, mé lo sans pli zénéral-i apèl sa figiré !- i konsèrn pa bann zanfan solman, i konsèrn pa non pli lo « tété » ou l’ dolé. Kozman-la i pé konsèrn bann gran moun é i pé mèm dépass la késtyonn bann grann pèrsone. Dann tan lontan té i di sa pou d’moun apré anplégné pars i mank azot lo pourkoi. Moin la konète désèrtin moun té i sava oir lo mèr pars tè i mank azot in n’afèr. Bann z’angajé indien, d’apré sak té i di, té i sava oir lo konsil l’anglétèr kan zot té i pans a zistè rèzon lo z’angazis té i répèk pa z’ot kontra l’angajman. Alé ! Mi lès azot réfléshi la dsi é ni artrouv pli d’van sipétadyé.