Médam, Mésyé, La sosyété koz èk moin sé koz èk in kouyon, mé sé o pyé d’lo mir k’i oi lo mason. Dann tan moin lété vakansyé moin l’avé in bonpé zanfan péshèr konm kamarad. In zour nou té apré diskité éinn dan la bann la di : « Moin lé fatigé manz poisson koraye ! ».L’èr-la mi domann pou kosa, é mi di : « Mi konpran pa out kozman, pars mi manzré bien poisson koraye tou lé zour moin. ». Lo marmaye la rogard amoin épi la di : « I oi ou i koné pa sak ou i di ou lo vakansyé, pars zot i manz arienk lo bon zot é nou ni manz linsignifyan. ». Zour-la in mové kouran la pass rant nou mé kan moin la kalkilé moin la rann amoin kont la plapar d’tan ou la anvi sak ou la poin. I di pa : « Kordonyé lo pli mové soulyé » ? Alé, mi kite azot rofléshi la dsi é ni artrouv pli d’van. Sipétadyé.