Mézami néna dé shoz dsu la tèr wi koné natirèlman, osinonsa kiltirèlman. Néna dé shoz wi aprann vitman. Ladi-lafé i apartien so katégori d’shoz wi aprann vitman. Mi rapèl in piblissité pou aprande fé déssin, téi di : « si wi koné ékri, wi koné déssiné. ». Ni pé di galman : si wi koné kozé wi koné fé ladi-lafé.

Mé néna dé shoz i fo lo tan, la passyans pou konprande épi pou aprande. La pa sak lé fassil, sak i sava vite, lé pli valab pou aprande, la pa non pli sak ou la pa bézoin amontrèr. Sak l’amontrèr i amontr aou sa lé bon a savoir é sé sa ké va amenn aou pli loin dan la vi.

Alé ! Mi kite azot rofléshi la dsu é ni artrouv plu d’van. Sipétadyé.