Oté

« Zanfan sé la rishèss maléré »

In kozman pou la route

Justin / 31 zwiyé 2021

JPEG - 43.6 ko

Médame, Méssyé, la sosyété koze èk mwin sé koze èk in kouyon mé sé o pyé d’lo mir k’i oi lo vré masson.

Mézami zordi ankor ni piosh dann kapital provèrb noute bande kouzin Haïti é laba konm issi i koze bonpé an parabol. I di ossi konm zot i koné, bande provèrb sé in rézèrvoir d’sazèss dann toute sivilizassion, dann toute péi in pé a toute lé zépoke. Mwin néna in rézèrv la dsi pars mi panss dann bande provèrbe.néna toute épi son kontrère – lo méyèr, lo pire, lo dou épi lo sévère konm Jacques Brel téi di-mé anpliss néna provèrb wi yèmré noré zamé égzisté. Sirtou sak i konsèrn lésploitassyon bande zanfan : laba néna zanfan lé plassé konm domèstik shé bande rish, i kriye azot bande rèste-la é d’apré sak i paré zot sré kaziman zèsklav zordi ankor. Romark bien issi shé nou, néna pwin lontan bande marmaye lété plassé konm pti bone a tou fère é banna la pa konète kossa i lé in lanfanss même in zénèss é sa lé pa pou fé onèr noute sosyété é noute sivilizassion.

Alé ! mi kite azot rofléshi la dsi é ni rotrouv pli d’van. Sipétadyé.

Pitit sé richèss maléré (les enfants sont la rischess des pauvres) : proverb péi Haïti