(page 16)

Zordi nou va konèt ousa bann zé olinpik 2012 i sa éspasé. Paris la fé tout pou akèy ali an 2012. Sé pa konbyinn larzan la fine mèt atèr pousa é riskap bann vil lé pa loin tir somiz. Kansa lo pèp té kri kont la politik gouvèrnman la domann domoun arèt fé dézord pou lo komité bann zé, akoz zot i dsann si Paris.

Pou zano là, tout domoun i ankokine azot. Voir bann zom politik fé la kour a zénou dovan bann ésportif, voir tout bann péï fé la pouss pou war kèl lé lo pli makro, i fatig mon tété gosh.

Mi domann amoin dann tout so médiatizasion, tout so zistoir larzan, ousa i lé lo spor ? Sirtou lo fair-play. Na pi rien a voir èk lo plézir lo spor mi koné, si térin mon kartié, pi rien d’lanvi zwé ansanm, partaz in moman tout avèk.

I di aou koma bann zé va anminn laktivité, mé i oubli di anou konbien i fodra ankor péyé pou galiz Paris bien kom ki fo. Somanké i fo fé briy la flam olinpik si inn vil pou ké son sistinm transpor, son striktir sportif lé korèk. I aranz pa la vil pou domoun, i aranz la vil pou bann biznèssmèn lo spor. Si i fo kour déryèr zano pou ki amélior tousa, la pa domin na giny tout sak i fo La Rénion.

Justin