Oté

« Zansiv té la avan lo dan »

In kozman pou la rout

Justin / 6 octob 2018

JPEG - 43.6 ko

Sa in provèrb kréol mé ozis kèl péi kréol sa mi koné pa. Pé sfèr La Rényon osi i di sa, mé mi koné pa. L’èr-la mi pans sa i doizète in provèrb bannzil karaïb-tout fason sé in kozman kréol é ni partaz san kass tète. San konplèks ! Fitintan, moin l’avé in zanfan. Onz moi li la pankor gingn lo dan. Moin l’amenn ali oir doktèr. Doktèr sé d’pète a rir épi la di amoin épi son momon : « zot la déza vi d’moun na poin lo dan zot ? Zot na ka aspéré ». Aspéré épi in gran matin tout bann lo dan la sort près an mèm tan. La pa tousala mé kosa nout kozman i vé dir ? Sinploman k’i fo réspèk sak lé dpi avan nou dsi la tèr. Alé ! Mi kite azot rofléshi la dsi é ni artrouv pli d’van. Sipétadyé !