(page 16)

Tout sak la tèrmine dann promié ploton pou lo bak la parti boir sanponi la préféktir. É mi trouv sa korèk. Minm sat lé atèr i trouv sé in bon lidé. Soman ni artrouv so minm lidé konpétision, so minm lidé sat lé méyèr i rès anlèr.

É tout lé zot ? Bonpé i sava dirèk la kaz l’ANPE, san pasé par la kaz dépar... Kisa i mérit plis èt onoré sinon sat la giny son bak dann in sitiasion malizé ? Wa di amoin pou lo rès sé la méri i okip fé in sérémoni. Lé bon. Wa di lé koma, ryink lo méyèr i mérite.

Mé kan nou voi lo kantité domoun é la kalité la zénès, ni anfinira pa d’dir konbyin sé nout zarlor. Kosa nou sa fé sanm so bann sèrvo lé kap fé bri La Rénion partou ? Èski prépar azot pou trap lo fitir zot péï an min ? Èski fé in moun sanm zot, in “citoyen” lé kap kalkil par li minm, oubyin in mouton zis bon pou fé tourn lo sistinm...?

Zistin