Kossa i lé in zenn-zan karnèr ? A tou lé kou sé in zen-zan élégan, bien abiyé, i fé lo bo partou oussa li pass. Dann zistoir Kristian, lo rakontèr i di : « Mwin té ki oi garson zouzoune mèm si li té pli boushé ké mwin, téi marsh karnèr dann shomin. ». Sa i di bien sak i vé dir : in marmaye bien abiyé, shové bien pégné, k’i san bon é kan li marsh dann shomin bann jenn-fiye i rogarde ali.

Mé antanssion, an parmi néna sak lé vré karnèr é karnèr gro-doi... Sak néna manyok dan la posh é plito ké karnèr sé in pé in lourdo, i sèye fé lélégan mé i gingn pa, i fé lo fyèr mé sa i pass pa. Sé pou sa i krite ali konm mwin la marke an-o la.

Alé ! Mi kite azot rofléshir la dsi si zot i vé é ni rotrouv pli dvan, sipétadyé.

Justin