Mi rapèl bien banna téi di dsi l’èr la mori griyé : « Zéro sé zéro ! in pé la gingn zéro ! ». Mé alon kalkil in kou é sa grass mon vyé proféssèr laritmétik la sèye done amwin in bon savoir é li téi di… Mon zanfan zéro sé pa zéro é sak i di sa néna lo koko in pé vide..

Pou kossa li téi di sa ?. Pou kossa li téi di anou zéro sé zéro… konm pa. Pou li, son valèr i dépann landroi li lé plassé. Avan in shif donk a son gosh, li vo pa arien é li aporte pa arien an pliss pou lo shif. Si li lé déyèr in shif ébin li aporte lo shif in bon valèr an pliss :7sé 7, 07 sé 7 galman mé 70 é wala ké li shanj valèr.

Wala ké si néna plizyèr zéro ébin toutsuite sa i fé in bon moné si zot lé déyèr in shif… pa si zot lé dovan mé sa sé in n’afèr i fo ni tienbo atanssion.. Zéro sé zéro si li lé lagosh in shif, si li lé a droite ébin sa i shanjdrolman lé shoz.

Alé ! Mi kite azot fé travaye zot koko la dsi é ni reytrouv pli dvan sipétadyé.

Justin