(page 16)

Kosa i di pa si la Komision loséan Indien, kosa nou la pa fini lir ? Pou moin, la C.O.I. la pi inn ti marmay tann i tèt ankor, la pa ankor in zinnzan kranèr i marsh èk zoursin sou d’bra, mé lé ant lé dé.

Sak mi koné, lé pli fasil pou moin dir tout bann péï néna dann la Komision loséan Indien plito ké dann Lérop. Si ni vé rogard kosa i sépar anou, na trouvé d’rézon pou bat arièr, mé si ni vé bien rogardé kosa i fé nou marsh ansanm, na tienbo pou avansé.

Sat i fé nout parèy, sé pa sèlman in minm loséan, komsi nou lé bann montagn Lémuri i lèv la tèt pardsi lo, sé pa tèlman lo pasé... Listoir la bokou diviz anou.
Sat i fé nou lé parèy, sé kan nou gard dovan, na partaz lo minm fitir, na konèt lo bann minm problèm. Aspèr na giny mié partaz lo sièl domin ké lo sièl zordi. Si èk Lérop ni partaz in minm drapo zétoil, èk bann péï loséan Indien, sé lo minm zétoil lé si nout tèt, èk lo minm siklone.

Zistin