Mézami kozman-la i rapèl amwin in n’ote, a mon avi, i vé dir lo mèm zafèr. L’ote kozman mi di azot la sé : « Kan i koz avèk sossiss, boukané i rèst pandiyé. »

Kossa sa i vé dir ?

La pa bézoin d’ète pli instruiyé k’instruiyé, an avoir Bak+24 pou konprande lo sanss kozman-la. Sinploman i di kan in n’afèr i konsèrn pa ou la pa bézoin wi sava shamélé. La pa bézoin mète oute kiyèr sal dann marmite i kui pa manzé pou ou.

Poitan dan la vi i manke pa demoune i ème okipe dé shoz i konsèrn pa zot é ou la bodir é bo fèr, lo moune lé d’in natirèl konmsa li rèss konmsa. I di sinploman : sa demoune i yèm okipé. Mé zot i koné, la plipar d’tan, la pa dmoune a fyé.

Antouléka, mi kite azot rofléshi la dsi é ni artrouv pli d’van. Sipétadyé.

Justin