Oté

Zistoir lo pti bol do boi

Justin / 16 désanm 2017

JPEG - 43.6 ko

L’avé arienk in pti zanfan té i kontinyé fé in kont èk son pépé é in zour son paran la romark li té apré travaye in bout do boi pou fé in n’afèr ansanm. Mé kosa ozis ? Té pa fasil savoir. La pa ké li téi vé pa dir, mé son famiy té i oz pa domandé. Poitan in zour la poz ali késtyon pou konète é li la réponn avèk in sourir an transh papaye.

« Moin l’apré fèr in bol do boi épi kiyèr pou alé ansanm ; konmsa kan zot sar vyé é moin sar fine gran, z’ot bol épi z’ot kuiyèr sar paré vi k’moin la pran l’avans pou fèr sa ! »

Aprésa lo marmaye la kontinyé fé son travaye mé landomin la bèl fiy la ramène son bo pèr a tab, la arsort la vésèl pou li é kan lasoup sansa lo lo téi vèrs, èl té la pou suiyé. El té la galman la kan bann ti traka la vi téi mank pa pou prézanté. La vi la ropran konm avan mèm avèk son bann konplikasyon. Mé la vi nana son bon koté épi son mové koté. Mé la vi lé konmsa : in tan pou manz lo pin blan, in tan pou manz pin noir, in tan pou do ri Ségon, in tan pou manz ranpang mé inn konm l’ot i fo aksépté. La vi sé sa non !

Si mi rakont azot zistoir la, sé konm moin la di pars nou la diskite an parmi biensir épars nout paran la fé konprann anou la solidarité rant famiy : in min i lav l’ot ! Sa la apa in parol an lèr mé in règ do vi. Sirtou, atann ap z’o vyé famiy i sava pou rogrète sak ou l pa fé. Lo rogré i vien apré la mor ! Lé vré, mé aplik aou pou pa tro an avoir. Lo moins posib, sé lo myé !

La fini