25 févrié 2022, sanm
Médame, médmoizèl, méssyé, la sossyété mi sava rakonte azot in zistoir mwin té fine obliyé pars sa té dann mon liv franssé kour éléméntère dézyème ané. Zot i konpran si li néna lontan, é mèm pli lontan ké lontan mé si mi rapèl bien sa in zistoir la marke amwin, pars étan pti souvan défoi ou néna pliss la sansibilité k’étan gran é kan oute vi i baskile l’ote koté-kan solèye i koush, oute sanssibilité i arvien é toudinkou wi ardovien sansibe bande zistoir momandoné i fé aou konm lo dsi fèye sonz.
Donk, l’avé in foi in gramoun traka lo tan té fine monte dsi li. Li té i gingn pi travaye pou vréman, la min téi tranb-tranb, marshé lété difisil pou li. Son garson avèk son bèl fiy té i komans trouv li té in sharj pou zot. Sirtou lo bèl fiy kan téi fo lav linz sal lo vyé bononm, kan la soup téi vèrs a tèr é téi fo suiyé. Parl pi kan tout sort pti traka la vi la komanss tonm dsi li konm sak i apèl l’inkontinans épi la dyaré mal kontrolé. Mèm son manyèr manzé son bèl fiy téi siport pi. Pli pir i diré li téi gate la vi son famiy.
Si tèlman in zour la mète in pti tab a par pou li manjé… La mète in li a par dann in rokoin é pou pa li kass la véssèl la donn ali in pti bol do boi. Sa té i ansèrv pou manjé, pou boir la soup, pou boir kafé é pou akonpagn lo pti bol do boi la donn ali in kiyèr an boi galman. Lo pov vyé bononm dann son koin la komans tassé, konmsi la vi firamézir té i rotir dann son kor.
Poitan sa lété solid étan jenn, épi li té i konomiz pa son fors pou grandi son bande zanfan, ziska in zour son madam la désote la vi é l’èrla li la komanss dékaniyé pou vréman. La bèl fiy, mèm lo garson té i gard ali zour pou zour an dsou, an domandan, dann z’ot kèr, kansa Bondyé nora té soulaz azot in traka konmsa. Mé opliss lo tan té i pass, opliss li té la, mwinzanmwinss vivan mé vivan kante mèm.
La pankor fini
Justin
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion
In kozman pou la rout
L’agenda 2030 à La Réunion : le bilan interdit (4/5)
Visite officielle de Michaël Randrianirina en Égypte
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion (…)
L’échec d’un système
Archéologie : Un campement d’invaincus découvert
Washington grand bénéficiaire d’une éventuelle dissolution de l’Union européenne
Na pwin lontan mi oi dann télé, in lanjin apré boulvèrs in kour lékol. Mi domann amwin pou kossa io fé sa, sirtou kan ou la bétone la kour-la na (…)
315 emplois supplémentaires en trois mois
Versement du reliquat de l’aide à la production de canne à sucre pour la campagne 2025-2026
Mézami so matin l’ariv amwin d’ékoute in radio épi toudinkou in sobatkoz la pété. Rant sak i di mourong sé in bon nouritir é sak i di sa lé nil (…)
