Oté

Zistoir Madégaskar : Béandriaké lo marin/Béandriaké le marin.morso niméro 1

Justin / 8 févrié 2020

JPEG - 43.6 ko

Béandriaké, i frékant la mèr dopi étan ankor marmaye. Son papa Lahindrano la pran ali dann son bato é li téi voiyaz dann loséan indien konmsi li lété dann in, konmsi li lété dannso n péi : li koné tout bann zil par kèr, li lé fine akos in pé dann tout bor d’mèr. Sé dir si la mèr sé son péi.

Kan l’avé bo tan, in bon van té i pous, lo pti bato-in b outr i di sa !-avèk son voil rouj, épi son kok panshé dsi koté, é avèk sa lézé épi rapid téi fo oir, lézé épi rapid mon bann zami. Li filosh dann la bone imèr. Lo papa avèk son garson la fine konète bonpé tanpète, mé Béandriaké la zamé gingn la pèr, mèm kan lo bato lété panshé konm in boushon dsi la krète bann vag. In van térib téi i pous ali an avan mé li téi sort san domaz dann bann gro loraz : lo papa téi done sé z’ord an aménan son bato é zot dé téi rèss lo mètr dan la mèr, zot mèm téi komann ali.

Avan mor, Lahindrano, la fé promète son zanfan li nora rèss toultan dsi la mèr an touléka pa kite lo boutr plis sis moi dann in l’ané. Kan lo papa lé mor, lo garson la jète son kor dann loséan é l done ali lo nom Lahitsambo pars in sakalav éi doi pa di zamé lo vré nom in moun mor.

Astèr Béandriaké la vni lo sèl mètr dann bato, lo sèl mètr a bor. Li lé galman lo méyèr om de mèr demoun téi pé konète ziska la kote la mèr Mozambik. Laba dann la vil Inandoha néna in gran roi. Li lé rish mé solman li lé trist. In zour son dé fiy téi zoué dsi la plaz kan demoun la vni rode azot é dopi tan-la la pi rotrouv azot zamé téi rèss arienk dsi lo sab dé moityé zot lamba : inn lété roz, é l’ot lété blé konmsi zot l’avé désid anvoye in signal pou zot papa. Sé pou sa lo papa téi kroi pa son dé zanfan té fine mor é li la zamé arète rode azot.

A suiv /lo zistoir la pankor fini.