Donk moin la fine rakont azot dèrnyé foi koman lo gran marinBéandriaké la fini par rotrouv lo dé zoli prinsèss dsi la plaz in il logr Ndrimobe lété propriyétèr. Li la rokoni azot pars shakinn l’avé in moityé d’lamba, inn roz, l’ot blé. Lo dé prinsèss i di avèk lo marin : « sov aou, an v itèss pars logr va ma nz aou. ». Mé lo gran marin la réponn si nploman : « di ali vien pars moin la pa pèr ali. ».
L’avé inn foi, pou inn bone foi, mésyé lo foi , la manz son foi èk in grinnsèl.

In pé d’tan apré, bann fèye épi bann bransh pyé d’boi la komans bouzé konmsi l’avé in kou d’van téi prépar pou souflé. Lété l’ogr téi ariv dsi la plaz. Li lé pa étoné ditou oir dsi shé li in kélk’in li koné pa : li la fine oir lo ka not dsi l plaz ;
Vréman inprésyonan se logr la ! Gran vèye pa koman, noir, avèk son dé gran zèl blé, in mask orib a la plas son figir pars li la poin figir.

- Moin lé bien kontan akèyein gran marin koma mé vi k’moin na poin arien pou manzé zordi ou i ariv o bon moman.
- avèk plézirasyon lo marin la réponn mé avansa mi sava amontr aou in zé, ou va zoué kan ou nora poin arien pou fèr. Sa i apèl lo Katra.li lé si tèlman intérésan sak i koné zoué sa, i obli tout pou zoué.

Beandriake i sava rode in pogné ti galé épi bann grin.avèk in morso lo fèr li l’atrap dann son kanot, li la fouy plizyèr ranzé lo troudann sab épi li ésplik Ndrinobe lo zé : i fo mète lo grin épi ti galé dann trou épi shanj do plas lo grin pou mète dann trou l’ot la mète son bann ti galé. Lo logr lé intérésé par lo zé é akout bien, moin néna késhoz pou di aou. Si ou i ging n troi foi, ou i manz amoin, si ou i pèrd mi donna ou in pti kou d’fèr dsi out tète pou bien fé rant bann règ lo zé dann out koko. Alor nou va zoué ankor in foi… L’ogr lé si tèlman bèteli tonm dakor. Li lé mèm sir pèrsone i bate ar pa li, pars li pans li lé lo pli intélizan.
Ala lo zé i komans.

A suiv-zistoir la pankor fini - biento sinkyèm morso dann zoinal samdi.