Lé vré moin lé for kouto i di mé dofé i bril amoin. Kouto i koup la kord. La kord i trang lo shat. Lo shat i manz lo ra.lo ra i fouy trou dann mir. Lo mir i arète lo van. Lo van i plie pyé d’boi épi i kass son bransh. Pyé d’boi i kass la zanm Raboutity. Na poin arien lé for konm dofé.
Dofé la di : lé vré moin lé for mé dolo i tinn amoin. Dofé i bril kouto. Kouto i koup la kord. La kord i trang lo shat. Lo shat i manz lo ra.lo ra i fouy trou dann mir. Lo mir i arète lo van. Lo van i plie pyé d’boi épi i kass son bransh. Pyé d’boi i kass la zanm Raboutity. Na poin arien lé for konm dolo
Lé vré moin lé for, dolo i di, mé bato i flote dsi moin. Bato i flote dsi dolo Dolo i tinn do fé. Dofé i bril kouto. Kouto i koup la kord. La kord i trang lo shat. Lo shat i manz lo ra. Lo ra i fouy trou dann mir. Lo mir i arète lo van. Lo van i plie pyé d’boi épi i kass son bransh. Pyé d’boi i kass la zanm Raboutity… Na poin arien lé for konm bato.

Kriké ! Kraké ! Kriké Mésyé ! Kraké Madam !
Lé vré moin lé for, bato i di mé si mi bate dann in kap, lo kap i kass amoin. Lo kap i briz bato. Bato i flote dsi dolo Dolo i tinn do fé. Dofé i bril kouto. Kouto i koup la kord. La kord i trang lo shat. Lo shat i manz lo ra. Lo ra i fouy trou dann mir. Lo mir i arète lo van. Lo van i plie pyé d’boi épi i kass son bransh. Pyé d’boi i kass la zanm Raboutity. Na poin arien lé for konm in kap.
Lé vré moin lé for lo kap I di, mé lo krab I pèrs amoin. Lo krab I pèrs lo rosh. Lo kap i briz bato. Bato i flote dsi dolo Dolo i tinn do fé. Dofé i bril kouto. Kouto i koup la kord. La kord i trang lo shat. Lo shat i manz lo ra.lo ra i fouy trou dann mir. Lo mir i arète lo van. Lo van i plie pyé d’boi épi i kass son gbransh. Pyé d’boi i kass la zanm Raboutity ; Na poin arien lé for konm krab.
Lé vré moin lé for, lo krab I di mé l’om I trap amoin. L’om I trap lo krab. Lo krab I pèrs lo rosh. Lo kap i briz bato. Bato i flote dsi dolo Dolo i tinn do fé. Dofé i bril kouto. Kouto i koup la kord. La kord i trang lo shat. Lo shat i manz lo ra.lo ra i fouy trou dann mir. Lo mir i arète lo van. Lo van i plie pyé d’boi épi i kass son bransh. Pyé d’boi i kass la zanm Raboutity. Na poin arien lé for konm l’om.
L’om i di, lé vré moin lé for mé Zanahary bondyé malgash I fé mor amoin. Zanahary I fé mor l’om. L’om I trap lo krab. Lo krab I pèrs lo rosh. Lo kap i briz bato. Bato i flote dsi dolo Dolo i tinn do fé. Dofé i bril kouto. Kouto i koup la kord. La kord i trang lo shat. Lo shat i manz lo ra.lo ra i fouy trou dann mir. Lo mir i arète lo van. Lo van i plie pyé d’boi épi i kass son gbransh. Pyé d’boi i kass la zanm Raboutity. Na poin arien lé for konm Zanahary bondyé malgash.

Mon zistoir lé fini. Si li lé vré, li lé vré. Si Ii lé mantèr, la pa moin l’otèr.