Oté

Zistoir Tizan avèk lo fanm san tète-sétyèm morso

Justin / 11 zanvié 2020

JPEG - 43.6 ko

Somenn pasé, zot I rapèl, moin la I azot papa Ary lété apré rode partou lo fanm san tète par raport sète-la la fé pèr son garson. Moin la di azot li téi marsh zour kon m nuite po u trouv la monstrèz. Si tèlman k’in zour momon ary l’ariv lékol pou akont la diréktris kosa i ariv dann son ménaz é k’i fé krinn aèl ké son mari i ariv a fèr bétiz. Pars I moun kan léromonté ko nm in rosor konmsa I pé pa pa fé la koyonad.
L’avé inn foi, pou inn bone foi mésyé lo foi, la manz son foi avèk in grinnsèl.

La klosh katrèr té fine soné kan momon Ary l’ariv dovan la klass la diréktris. Sète-la la rosoir lo madam é lo madam la ésplik aèl kosa i ariv dann son ménaz é sirtou la dmann aèl si son mari i pé pa fé in n’afèr pou fé arète son mari. El l’avé pèr ké son mari i tyé lo prétandi fan san tète-sak i vé dir k’èl téi kroi pas lo lézann-la. Lo diréktris la bien akèye momon Ary épi èl la domann kosa èl téi vé ozis, é èl la ésplik èl téi vé pa son mari i fé krime épi i sava la zol pars pou èl so n mari lété dann léta o i pé fé bétiz san tro kalkil sak ou i sava fé.
Lo mari la diréktris lété bon kamarad avèk papa ary é noré bien anuiy e ali si son bon kamarad téi sava fé in kouyonadm é koman prézant l’afèr sa lété in pé difisil. Papa Ary n’arté pa kontan son madam i vien oir la diréktris pou di sak èl la di é konm li té pran la kolèr fasilman, mèm son madam lété kapab gingn dézagréman... Koman alé dovan la port banna ko nmsi de rien n’été alé oir dann l’androi toulmoun téi koné Papa ary lété bandé an trantsis.
Maari mla diréktris l’avé bézoin ashté in bal maskad pou son bèf avèk papa ary, do nk li la pans lokazyon lété bon é sé konmsa li l’ariv dovan la kaz banna. Papa Ary la bien konprann pou kosa téi vie noir ali, m li a fé konmsi li téi konpran pa : li la donn la bal maskade, épi la diskite in pé ko msi konmsa, mé san ariv déside in n’afèr. Sof ké lo mésyé la bien kon pri Papa ary lété paré pou règ sé kont.
Kriké ! Kraké ! Kriké Mésyé ! Kraké Madam !

Mari la diréktris la rant son kaz épi la di son madam, lo boug lé sho-bouyan pou fé son bétiz. L’èrla lo madam la di, i fo suiv ali pou anpèsh fé in n’afèr tro grav. Madam Oaro Mizèr lété fine ariv koté la vyèrz é èl té apré fé son névène. El téi fé la priyèr épi téi mète a znou la kat poin kardinal/la priyèr té i grenn, avèk bann domann bondyé pou modi lo bann v olèr son larzan. Momandoné, kan èl la mète a znou, Papa Ary, la sort déyèr in pti touf lansan épi la souk èl par kolé é avèk son nèrf bèf la tapé, épi la soulèv aèl pou fé lo toutr la vyèz ? Madam Oaro la pa kriyé si tèlman èl l’avé la krintiv té lo dyab l’avé souk aèl par kolé.

Sétyèm morso la fini-utyèm pou samdi k’i vien. Apré sar fini.