Mézami, kozman-la i invite anou pa fyé dsi l’aparanss. I di galman : zabi i fé pa lo moine ! Donk si wi fyé dsi l’aparanss lé sir wi sava tronp aou pars lé pa si fassil ké sa konète la vérité dsi in moune.

Poitan, konsèye i mank pa : na pwin lontan mwin la di si wi vé konète in moune marsh kinz zour dann son savate. Bande zindien i di : marsh dë lune dann son mokassin... sa i vé dir, assiréman, promyé in préssyon ou néna lé pa forséman in bon linprèssyon. Mé wi ziz vite pars ou na poin l’tan, sak i fé ké wi pé tronpe aou souvan.

Alé ! Mi kite azot rofléshi la dsi é ni artrouv pli d’van. Sipétadyé.

Justin