Mézami zot i koné zoizo bélyé. D’apré sak i paré i gingn pa songn azot dann park - la kaj si zot i vé. Mwin pèrsonèl mi koné pa, mé konm bande gramoune la di, mi fé konfyans. Toutfasson mi oi pa kissa i sava trape in zoizo bélyé pou mwin fé mon éspèryans. Toute fasson, la kiryozité i tind avèk laz, é mwin lé pi kiryé pou sa.

Mé, konm provèrb mi kass pi la tète avèk lo zoizo é lo parkj mé mi rapèl in n’afèr : in konéssans amwin in zour la maryé. El lété konu pou son faroushité. Toulmoune lé kontan. Sof in vyé granmèr té i brande la tète gosh-a-droite pou amontr èl éi lèss pa èl tronpé par lo mouvman an kours. El la di kozman-la. Lyèv i koné son zèrb é lo vyé gran-mèr son famiye. In an té pankor fini ké lé dé jenn té fine bril la paye. Sak i fé dir amwin nout kozman zordi lé pa si mantèr ké sa.

Alé ! mi kite azot rofléshi la dsu é ni artrouv pli d’van. Sipétadyé.

Justin