Mi pans zot i rogard zoizo dann syèl, sansa dann pyé dboi, pétète dan la mèr, pétète dann grote. An touléka dann tout l’androi i pé oir zoizo. L’èr-la zot la fine oir lo ni bélyé, sa moin lé sir. Sa in ni travayé sa ! Konm k’i diré in shosète trésé avèk in l’androi éspésyal pou protèz lo zèf épi lo pti zoizo nésan kont la plui. Sa lé sir, sa la pa in ni la fé an in sèl zour pars néna travaye ladan. Sa lo sans prop é si ni pran lo sans figiré : kosa i éspas dann la sosyété ? In projé d’vi, in projé d’travaye, in projé d’roshèrch i fo lo tan pou fé sa. Fé vite ? Sa ansèrv de riyin. Fèr bien ? Sa bsé in n’ot afèr lé bien valab. Alé ! Mi kite azot rofléshi la dsi é ni rotrouv pli d’van. Sipétadyé !