In kozman pou la rout

« Zoizo i pé obli lo gob, mé lo gob i obli pa zoizo »

14 zwin 2016, sanm Justin

Mi koné pa kan zot lété jenn si zot la poz gob pou zoizo : in sinp galé an ékilib dsi in boi, in sisstèm pou dématé, épi grin mayi kass-an-dé dosou. Li lé sinp mé li pé trap tortrèl, osinonsa pizon ramie, épi d’ot kalité zoizo ankor. Donk pou rovni dsi nout kozman, moin la romark si lo gob la dématé é si zoizo la shap dé zistès, in bout tan apré ou i oi zoizo i arvien é zot fé trap azot. Sa sé lo sans prop, mé dann la sosyété kosa ni konstat ?

Nana d’moun i méfyé pou tout z’afèr é si la pran azot dann in pyèj in foi, dé foi ou i gingn pa zot. Mé nana in pé, konm ni diré nana sèrvèl zoizo i méfyé pa zot ditou é zot i artonm dann pyèz. L’èr-la lé posib dir azot kozman moin la mark an-o la. Ni pé di pou zot-zis pou invit azot pou fèr atansyon a partir !-« zoizo i pé obli lo gob, mé lo gob i obli pa zoizo ! ». Ni artrouv pli d’van.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus