A té i falé oir ! Koman banna téi fé lo vèr ! I diré zot l’apré tourn in fime ! Inn i pous l’ot, i pous l’ot. Pli pti i drès déssi talon pou arsanm pli gran, pli gran i rogard an ba pou fé bien romark son grandèr. Avèk sa, i toush-toush lo rin inn-a-l’ot pou fé oir koman zot lé zamiz, koman zot lé dakor, épi la boush i fé rougay sosis (siiiiissss)
Gouvèrnman La Frans la di li sava mète troi san soisant miliar ! L’Allemagne la di li mète plis ankor ! Tout péi i sort z’ot karné d’shèk. La p’assé, mète ankor ! Bann l’Europe i donn légzanp bann zamérikin.
Mé larzan-la oussa i sort ? Va anprété ? Avèk kissa ? Méssié Roland Garros, déssi plas Barachois, la min lé dann posh, li tir pa... Tansion-pangar ! Konm bann moun lontan té i di : zordi, i fé gran noir ! Mé domin ? Vantar ki tou ni ?

Justin