Oté

« Zorèye i dépass pa lo koko d’tète »

In kozman pou la rout

Justin / 21 octob 2020

JPEG - 43.6 ko

Médam zé mésyé, la sosyété, zordi dsi lo linternèt moin la trouv in kozman l’afrik, in provèrb konm nénai isi épi néna dé milyon dann gran péi in parti d’nout zansète. Kozman-la, dizon li lé fé pou nou galman pars li di plizyèr zafèr san di pou vréman mé nou lé invité pou konprann sak li vé dir. Alors, li vé dir kosa ? Sans prop zorèye demoun i ariv pa la otèr lo koko d’tète, asiréman li dépass pa lo koko d’moun sof si ou lé totalman kontrofé. Astèr si ni vétrouv in sans pli zénéral-figuiré si zot i vé - kosa li di ? Li di : zorèye lé bien itil pars li pèrmète anou antann épi ékouté, mé dann la tète néna sèrvo é sé sa k’i komann la pyèss. Mézami, nout léta mazor lé la : la tout nout éstimilis i romont, la i ankode épi i dékode, la i analiz bann sistyasion, i trouv la répons. Sa in lordinatèr bandé-bandosh sa. Alé ! Mi invite azot pou rofléshi la dsi é ni artrouv pli d’van. Sipétadyé.