Zot i rapèl in Eric Fruteau porté par le Parti kominis i ginye la Méri, Virapoullé (Jean-Paul) la pèrd. Bon, sa prémyé épizod.
Nu apran ke Eric la frodé ; an 2014, lu sra pa élizib, dézyém épizod.
Eric i trayi lo parti konm Huguette Bello é i sava din not parti lo PLR, ziske-là, zot i suiv.
Kan nou konpran pi, sé kan dan tout son bann konséiyé, lo mèr i trouv pa inn po ranplas a li an 2014 minisipal !?
Kan nou apran sé son fanm lu la trouv konm méyèr ranplasant, là lo vaz i débord !
Zamé été éli, ni konséiyé zénéral, ni konséyié rézyonal, mèm pa konséiyé minisipal ?
A li té i parl « familiocratie » po bann Virapoullé kan lo papa Jean-Paul té i lans son garson Jean-Marie !
Huguette i anploi in mo plu fransé : « népotisme ». Moin la parti rod dann diksyonèr, i sort lo latin nepos=neveu, atitid bann pap i akord favèr zot bann fami.
Bello i préfèr po tro romyé, mé oui, lo zafèr i san pa tro bon po zot.
Mé lo Fruteau li ardone Virapoullé lo baton « familiocratie » po ar tap a li avèk ! Pars astèr, l’onm la Droit Sint-André, i di lo Camatchy a ou, le Eric Fruteau a ou, le Didier Robert, la Bello i sar ginye inn koréksyon lané prosèn, tout va kouri po alé kasièt !
Mé a moin, kan mi ogard tousa, mi di sa spé osi tout la bann i pran in raklé : lo group Joé Bédier san konté Gélita Hoarau kab nétoiy tout, fé pa tro désord, listwar na in sans. Alon pa oubli nout pasé Sin-André. Le Fransé i di : « Chassez le naturel, il revient au galop ». A moin mi konpran konm sa Sint-André !

 Justin