(Page 16)

Kan bann gran manitou le PS an France i étripe azot piblikman, téat granguignol lé zamé loin. Pou le N° 2, le N° 1 sé in lopozision “karotshou” ; é pou le N° 1, le N° 2 lé pa kab ténir son langazman a gosh !

In batay intèrn lamantab, mé sirtou inkiétan. I fo pa oublié N° 2 an kèstion-la lété in Premié Minis’ le gouvèrnman sosialis la France. Gouvèrnman souténi alépok, évidaman, par laktièl N° 1. Rotromandi, laltèrnans’ lété ptèt pa toutafé laltèrnans’ ! !

Rézon de plis’ pou méfié anou bann gran mo i vé pa rien di. Plito étrip anou si laltèrnans’, alon plito mèt anou dakor si in prozé prési pou dévlop nout péi. Kan tout de moun lé rasanblé si lésansièl, lé mèm pi bézoin agard a droite ou a gosh. I sifi marsh an avan ! ! !

Justin