Dopi kèk’ tan, nana in drol kalité d’sitoyin i sévi isi la Rénion. Li mèm, li la zamé été fouti kapab rorganiz in véritab déba démokratik ; alors’, li pas’ son tan parazit déba lé zot i fé viv. Si par malèr li pran la parol, évidaman li rann pi !

Pétèt akoz li nana in bros’ si la tète, domoune i di li lé pli danzéré merle morisien. Antouka Invite pa sa out kaze, li séré bien kapab koz pli for ké ou. Dann out prop mézon !!

Son dé troi pti roukoulade si la démokrasi sé zis’ in parad pou mié konfisk le déba pou li tousèl. Li fatig sitantèlman, na inpé la fini par trouv son remèd : fé ékoute ali son prop kozman anrozistré. I paré li viyn fou afors aplodi ali, li mèm !!!

Justin