Par-la 1865, lavé dann Sin-ni dé kan pou bann marmay : inn lété boulvar la providence, l’ot lé la montagne dann lilèt a giyom. Lavé in bon pé marmay dann bann kan-la. Le bann jij lavé kondamn azot : in pé lavé volé, in pé lavé batay dann shomin, in pé té i marsh dan la ri zot tousèl-lavé poin in gran pèrsone avèk zot-d’ot ankor té apré piss si l’bor shomin. Zot té travay konm kondané. Inn-dé té i mor avèk travay forsé. Bann pèr Sin-t’ésprit téi gardien azot.

Na poin tro lontan lavé lapéka dan la plaine des cafres. Mi mazine zordi ankor na in pé i kalkil karsèr bann marmay dan la prizon, ansa dann kan i apèl bagne, armèt lapéka an lèr.

Sa in bon, mové solision. Sa pou in pé bann gran kandida zéléksion prézidansièl gingn lo zéléksion : vote aou, aprésa souplinye aou tanpir k’ou vé. La pa zot sar dan linsékirité. Zot lé pa la èk sa.

Justin