Zistwar Tikok, par Christian Fontaine… zistwar an kréol dann Témoignages -5-
26 octob 2024, sanm
Soir-la, fermé dan la kizine ékléré ek la lanp pétrol konm dabitid, la fami Biganbé la manz bon’èr. Apréla, tout la bann rakokviyé desi zot mèm po anbar la pli ek lo van, la dégaz vitman rant dan la kaz. Ariv dan la kaz : tranpé ! La désanzé po armèt linz sèk, épi la mèt matla atèr dan lo salon, lo sèl landroi i koul pa… Pa-sito fine aranzé, madanm Biganbé, asiz desi lo li, i komans grinn saplé :
« Notropèr kiétzosié kévotronon soisantifyé kévotrorey ariv… »
Tikok ek Zan-Lik i réponn :
« Donénou zozouadi notropin…
« Sintmari mer-dé-dié… »
For konm kan marmay fin-d’étid i aprann léson distoir dan la kour : « No zansèt lé goloi… ».
Soman, Tikok lé plis antrin ogard son papa lapo lité ek la port la savann : gramoune Biganbé i ésey anmar lo modi port ansanm in pongné gatir vakoi, mé lé malizé parapor lo van i donn kalou déor : « FFFououou !…fffououou !…fffououou !… ».
An-minm-tan, Tikok i rod gingn somey, soman li tienbo, pars, po lo promié siklonn li oi vréman, li trouv pa sa an zobok ! Na si tan d’ zafèr i espas ! Epi, li kalkil domin matin, konm Zan-Lik la di ali, po alé ramas mang, zavoka, longani… !
Mé, oilapak, toudinkou, madanm Biganbé i arèt sék son « Zevousalimari ». El i kri : « Zézi Marie Zozèf ! La tol la kaz i sar volé ! »
Gramoune Biganbé i fé in sèl tour desi li-minm : « Ousa, Marie ? »
Tou lé kat i ogard anlèr, i ékout !… Rien ! Soman in lespès krié, déor, konm in moun i soplinn…
Lo kèr Tikok i bat dan son do kan, li antan konm in boug i kri : « Oskour ! Oskour ! Oskour ! »
« Rouv la port, Ogis ! » madanm Biganbé i di ek son mari. Lé par la port an-o ! Soman fé antansion lo van i angouf pa dan la kaz ! »
Biganbé i sava, i rouv la port la shanm : rien !
« Daoir la port la savann, alors ! »
Biganbé i sava, rien ! Anfin, li fé lo vativien konmsa ziska preské granmatin ! E par kou d’shans, siklonn i komans féblir ! Biganbé i tien pi, i sort déor !… Lété dé pié-d’vakoi té i frot ansanm ! Lo rès : grévilèr, filao, zavoka, pispin… tout lété atèr. Mé dé pié-d’vakoi-la té lit po rèt dobout. E dan zot rézistans, zot té grins konm in moun i kri « Oskour ». Tikok lavé pa zamé gaingn la tranblad po kou-d’van ziskalèr, mé, s’kou-la, li la komans konprann…
Christian Fontaine
Alors que l’île entre dans la saison sèche, La Réunion fait face à une menace grandissante : le manque d’eau. Malgré le passage du cyclone (…)
Nous venons d’apprendre que la tentative honteuse d’Olivier Hoarau de faire voter par le conseil municipal la protection fonctionnelle en sa (…)
Mézami néna inn-dé soir mi garde télé é mi oi in késhoz i rapèl amwin mon zénèss : lo tan issi La Rényon l ’avé pa mal bèf moka. Par l’fète sa la (…)
« Le financement du modèle social repose trop sur le travail », a estimé le président le 13 lors d’une interview diffusée sur TF1. Il souhaite que (…)
Mézami zot i koné bann békèr d’klé ? Sak i travaye o noir épi i toush in moné pou inn tash a fèr. Noute toute i koné sa la pa in n’afèr a fèr, (…)
Dans les régions ultrapériphériques d’Outre-mer, la pêche artisanale est essentielle sur les plans économique, social et culturel. Elle y fait (…)
Ce 9 mai, Moscou a accueilli les commémorations du 80ᵉ anniversaire de la victoire sur l’extrême droite en Europe, en l’absence des dirigeants (…)
Mézami mi sorte lir dann lésprèss Maurice lo poinn-vizé in moune inportan i apèl Edouard Maunick dsi lo kréol morisien épi son dévlopman laba shé (…)
Ce dimanche 11 mai, le nouveau Pape a prononcé sa première prière devant des milliers de fidèles à la basilique Saint-Pierre de Rome. Durant son (…)
Les États généraux de la canne à sucre doivent poser la question de la gouvernance de la filière, responsable de la crise actuelle sans précédent. (…)
Les eurodéputés ont adopté de nouvelles règles en matière d’émissions de CO2, offrant un délai supplémentaire aux constructeurs en retard sur (…)
Les enfants qui naissent aujourd’hui ont, dans la majorité des cas, la chance de connaître leurs grands-parents, voire leurs (…)
