“Nout Lang”, in magazine, zouranzour lé plizanpli gayar. Dann niméro 5, 6, 7 lavé okip "Lang kréol réyoné", "Politique, linguistique et Rénionité", "Listoir." Pou son niméro 8, li la fé in niméro spésial litérèr i apèl "Zistoir" èk bann krakèr kom Axel Gauvin, Bernard Payet, André Marimoutou, Daniel Honoré, Sully Andoche, Fabrice Georger épi William Zitte. Lo rédaktèr-rèsponsab sé Annie Grondin gran krakèz dovan léternèl.
Koté désin, nou lé sèrvi an roi èk pa moin troi désinatèr : Charlie Lesquelin, Florence Félix é Schnumft sak la fé lo kouvèrt. Tout la bann la mèt ansanm pou rakont an zimaz é an modékri zistoir "Dimilié", "Laramé i fé lo tour di monde", "Tizan i tir son vanzanss", "Tizan Marmay bon kèr", "Lo komik lo rwa", "Lom-san-pèr", "Zoiyé Noel, Granpèr", "Pou in débi d’kriké", "Zistoir in parol", "Lo prins mwasémwa", "Granmèr Galabèr", "Granmèr Zak", "Tibis", "Zistoir Kévin." Ou va trouv osi in létid si la poèzi pou "lir Babou b’Jahla" (otroman di BBJ, nout kamarad zournalist).
Guèt parkoté ribrik "ékouté, roékouté" pou plonz in pé dann la rishès nout mizik sanm Arno Bazin. Niméro-la i done pou alé. Kom i di lo dirèktèr pliblikasion, Frédérick Célestin : "Lir le bann téks, aprésa di si out marmay i mérit pa koné bann zistoir, di si nout marmay i mérit pa konèt lalfabé zot prop lang, sak zot papa-manman la done azot".

Eiffel