Lidé organiz in gran kabar la blag la nèt na disèt an déza dann téat Tampon. Toulézan, tout bann Rényoné i atann vitman lèr i ariv pou artrouv nout bann kasèr lo kui. So kou si, pratikman zot tout i rovyin èk in spéktak nèv ousa zot lé tousél anlèr.
Nora Thierry Jardinot sanm "Vot pou li - Vox populi", ousa li sa done paké si zélèksion èk Jean-Paul Virapoulin, René-Paul Victorio, André Thien Ah Kouen et Steeve Bobok... Li zwé tout so bann kandida trinn koz sanm domoun kaz an kaz. Dan son spéktak nora in pé la vidéo. Zis avan li, nora inn ti nouvo : Jean-Luc Chabot sanm inn séri zistwar èsdéèf.
Alain Hubert i amont osi son kozman "For, for, for" ousa nora in tralé zimitasion kom li minm i giny fér. Fo pa oubli Johny Guichard i sa anminn anou bat karé dann listwar bann fanm èk "Je me sans femme."
Zordi Jacques Dambreville diréktèr l’O.D.C. i vé ral lo kabar si koté téat. Yèr de moun la gainy nir war in piès Gérard Darier la bat an kréol : "Bèzman dan la kour Patel". Apré "Kaz an kaz", ala inn piès lamayaz va fé ri in bon pé èk lo minm lékip.
Na in not piès téat, in komédi sanm la mizik i sort dann la tèt Jacques Decombe, "Frou frou les bains", va pous anou dann in gran lamizman. Spéktak là i sort déor, li la giny lo Molière 2002. Dèrnyé kado : Dany Boon sra la pou fé ri la boush, i fé lontan l’O.D.C. té vé giny ali.
Tou so bann kamarad i sa zwé ant lo 28 mé et lo 13 zyin dann pa mwin 7 sal La Rénion (guèt parkoté), koma la blag va tourne partou. Not tout va giny mal o vant forstan ékout azot.

Eiffel

Demandez le programme

"Bèzman dan la kour Patel" de Gérard Darier
8 et 9 juin au Théâtre de Champ Fleuri
10 juin à la salle de spectacle des Avirons
11 juin au théâtre Luc Donat au Tampon
12 juin à la salle multimédia de l’Entre-Deux

Alain Hubert "Fort, fort, fort"
27 et 28 mai au Théâtre de Champ Fleuri
29 mai au théâtre Luc Donat au Tampon
4 juin à la salle Henri Madoré de Saint-Philippe
8 juin au théâtre de l’Etang-Salé

Johny Guichard "Je me sans femme"
5 juin au théâtre Luc Donat au Tampon
10 juin au théâtre de Plein Air de Saint-Gilles

Thierry Jardinot
29 Mai au Théâtre de Champ Fleuri
30 mai à la salle multimédia de l’Entre-Deux
4 juin au Séchoir
5 juin au théâtre de Plein Air de Saint-Gilles
9 juin à la salle de spectacle des Avirons
11 juin à la salle Henri Madoré de Saint-Philippe
12 juin au théâtre Luc Donat du Tampon

Dany Boon
9 juin au théâtre Luc Donat du Tampon
10 et 11 juin au Théâtre de Champ Fleuri
12 juin au théâtre de Plein air de Saint-Gilles

"Frou Frou les bains" de Jacques Decombe
4 juin au Théâtre de Champ Fleuri
8 juin au théâtre Luc Donat du Tampon

Tous les spectacles sont programmés à 20 heures.