Dopi 1998, la Compagnie Danses en l’R lété si Saint-André dan la sal Guy Alphonsine. Sèt ané, li la dsann an rézidans si Le Port, dan Village Titan. Apré in karièr dansèr internasional, kan li la rant dan péï son lanfans, Éric Languet la mont so lasosiasion èk in “R” kom Réunion, Roshèrs, Rotrouvay...
Apré “Faux-Ciels”, in kréasion nou la parlé diran Leu Tempo Festival, ala in nouvo spèktak “Chemins Faisant”. Inn piès pou bann marmay lékol dékouv la dans zordi. Piès-la lé kalkilé pou transport ali partou, zoué ali partou, minm si koté Mafate (guèt parkoté).
Éric Languet i vé "amener les enfants dans la magie de la danse contemporaine et leur donner envie de commencer cette activité". Li vé démistifi la dans, li vé amont in dansèr, in dansèz sé in moun kom tout domoun.

2 manièr diféran

Mariyya Évrard sanm Sorya Thomas lé otan dansèz ké komédiène dan “Chemins Faisant”. Intermitante ziskakan nana ankor, zot i sava dann bann klas artistik ousa zot i tash manièr done lo gou la dans. Pou la korégraf Danses en l’R, la dans i port aèl bien La Rényon. Non sèlman navé maloya, mé néna osi hip hop èk moring la fane la dans partou.
“Chemins Faisant” sé listoir 2 kamarad, 2 karaktèr diféran. Ti fi-la o débi dizon zandèt, zot i grandi inn a koté d’lot. Na inn i vé èt kom toulmoun, i vé grandir vitman. I arèt pa zoué la malis. Èk in rob, lo promyé va abi aèl an fanm tandi lo dézièm va transform an superman. Inn piès ousa tout lé pa roz, ousa na batay, ousa i amont i giny dir non.
Èsk i fo oubli anou marmay pou nir adilt ? Èsk i vo pa mié rès marmay minm kan ou lé gran ? Lé oblizé ou bien lé pa oblizé rannt dann la vi makiaz, sigarèt, téléfone ? Kosa i lé la vi ?

Eiffel

"Chemins Faisant"

Que signifie grandir ? Comment se construire ? Que laisse-t-on derrière soi lorsqu’on devient adulte ? Bande dessinée dansée, “Chemins Faisant” traite de ce thème avec humour et réalisme, en utilisant des références du monde des jeunes.
À voir le :

- 7 juin à la salle Lucet Langenier à Saint-Pierre

- 2 juillet aux Avirons dans le cadre du festival Colycée.

Renseignements sur le site http://www.danses-en-l-r.com.
La pièce peut être commandée pour être jouée dans les salles de spectacle tout comme dans les écoles, les gymnases...
Contact : Virginie 0262 43 62 91.