En clin d’oeil à Alain Pe’ters

25 janvier 2008

Diab mèt pa katpat dan la sann, li ve pa sali son ke
Po rant anndan son kaz i bri, lo Diab navé bezoin’n patin
Su son patport fé son joli, li la bat inn ti zié malin
Po vann son loto a krédi, lo Diab té po rod Fridolin
Dedan son zié, malis i bri dovan la port-son magazin
Port pa ton kor an patin su patport la kaz i bri
Koméraz va sort dann shemin po mèt le doi su ton foli.

Jean-Paul Cadet

Signaler un contenu

Un message, un commentaire ?

Messages

  • Ganjakouarel

    Asoir sou le siel e’kle’re’ par le’ ze’toil

    Le Gange, an de’sandan, i glis an serpan n’lo

    Li pas dan Be’nares, li travers Le Bengale Dan son do sou la briz,na frison an dalo Kan basinn'lo le' kler, tout zafer i roflet Me' la briz la soufle', la done lo in kou d'fouet

    Le bann ze’toil aster le’ dan la konfuzion

    I koskote’ la lune po zot gin’y zot momon

    Me’ le momon , kroi pa el te’ pli sipe’rier Kan el la avanse' po trap son bann zanfan La lev inn gross boufad, el la rod tonm ater

    Ouminm ou nore’ di persone va sort vivan

    La briz napoin son monn : li fe’ pa d’pre’fe’rans

    Me’ kan la vi ze’toil koman i le’ aster

    Konm vie’ moune dann koudvan tout i tranm ek la per

    La rant an konpasion, la pri par d’zot soufrans

    Telman le van te’ for la soufle’ an kao

    Konm po me’lanz de zef le jone avek le blan

    Bann ze’toil ek la lune la me’lanze’ dan lo

    Po zot pa res mavouz e’fare’ dan le koudvan

    Ou nore’ di aster inn pintur- lakouarel

    La sort an reskape’ dann siklone Bagatel

    Di gran mersi Bondie’ lanbe’li l’arive’

    Po rann form e’ kouler tout zot partikulie' Sak i pas 'si son do i toush pa lo fonn'lo Lo Gange te' pa ek sa, li la kontine koule’

    LA Ter nora tro soif, fo li sharoy son lo

    Pete`t minm Kalkita li la fine arive’

    Ki kone’ ?

    Jay Surya ! Jay Ananda !
    Suryananda ki jay !
    Inde

Témoignages - 82e année

+ Lus


2026 Témoignages