Somène kréol
(ékritir dé min èk Sébastien Técher)

Somèn kréol, Somèn kréol Somèn kréol Somèn kréol Somèn kréol Somèn kréol Somèn kréol Somèn kréol Somèn kréol Somèn kréol Somèn kréol Somèn kréol Somèn kréol
Somin kréol
So, minm kréol !

Kèl somin,
Dan kèl min,
Son kréol, ton kréol, mon kréol
La fine arivé.

Rivé
Riv droit,
Riv gosh,
Brulé !
Pié filao sou lav i dsann lao
Zis in pi boi dann milié koulé volkan.

Kan ? li va gingne volé
Volé lao filao kréol
Son rasine bordaz la frans
Pou rèv in dans, in trans,
Pou vol, violé maman patri fransé

Fransé
Fransé
Mi lé Réyoné.
Konm mon kouzin lé Bask, Breton, Kors, katalan, ...
Mi vé koz fransé po koz ék zot
Mi vé koz kréol po zot antann mon lang,
Po moin akout zot kozé,
Gout,
Rèspir zot kiltir
Mi vé voir a nou dobout,
Dan not min : not drapo tout doulèr
L’unification ne passe pas par
l’uniformisation,
la destruction,
la négation.
Je me sens plus proche de tous ces pays meurtris que d’une marseillaise castratrice.

Marseillaise
Actrice
Tentatrice
Qui se déguise et nous glisse dans une danse pleine de vices.
Le nouvel étendard
De la liberté
Et l’on rêve de dollars pour enfin posséder
Et l’on rêve de pouvoir pour enfin exister.
Mi vé zis té !
Dan le sin mon natir,
Mon kiltir
Té ! Té !
Mi vé zis ekzisté !
E zis té vib, réyoné, réyoné !

Réyoné
Réunionnais
Rénioné !
Rèv
Réalité
Rèv
Ri
Ri kolé dan fon mamit
Lanpang
La krout
Krout ! Krout ! Krout ! Krout ! Krout ! Krout ! Krout ! Krout ! Krout ! Krout ! Krout !
Ekout !
Mon péi i larg langaz
Tonton ! Ou vé pa nout lang lékol ?
Kosa ou lé pèr ?
Kosa ou vé kashèt ?
Ton kanèt la pa biy.
Ton zié lé bien rouvèr
Vèr koué ?
Nout péi na poin in lang
Ou sinonsa dé
Ou sinonsa troi
Li na mil lang tèl la mèr i briy dann mil koulèr
Li na mil son tèl la lo sièl i kri èk mil tonèr

Mi koz
Je parle
Mi inm
J’aime
Mi kakay
Je ris
Mi
Moin
Nou
Anou
Ali
Aèl
Zot
E nout véli , E nou vé li
I soulang lang sou lang